Parcours S2 | La caisse E12

Ki to rol dan la vi enn prodwi ? 

Enn rol kot mo pa trouv prodwi la en vrai. 😊 Moi mo rekolte bann reset avek bann camions kan zot inn fini fer zot livraison. Bann sofer vinn kit tou ek moi, argent liquides, chèques, transfert par juice etc. Ena bann prosedir en plas pou ki nou kone komie kass inn verse exactement. Mo bizin guet ‘Returning Officer’ parski parfwa ena prodwi kinn retourne donc pa finn vande. Bizin check Loading sheet, fer input lor D365. Apre sa sak caissier bizin prepar so versement pou la bank le lendemain. Ena 30 versements par zour!

Ki konpetans bizin ena pou fer sa metie la ? 

Dan mo cas  mo finn persevere boukou avan mo ariv la parski mo ti lorry helper avan😊 Apre 17 ans service, kot zame mo finn gagn okenn problem, touzour monn travay honet, zame pa finn mank kass etc be sa finn permett mwa sezir lokazion kan linn prezente - kan Panagora inn pass lor nuvo system D365, zot ti pe bizin enn lot caissier. 😊 Mo l’experians en tant qui ancien aide-chauffeur finn aide mwa boukou...Mo ti deza kone kouma pou manipule kass sirtou verification bann billets Rs2000...ena vreman boukou boukou vérifications pou fer  dan sa metie la. Check bann montant lor chèque, suiv bann paiements kinn fer par interbank transfer tou sa. Nou tou bizin suiv sa bien pou ki tou balancer ala fin. Bizin osi ena enpe notions informatik ek konn travay en ekip. Ena bann moments kot pression la for. Sirtou kan tou camions pe rantre. Entre 14hrs – 15hrs zot tou ariv ansam. En desam ena plis enkor ek parfwa zot rant Valentina pli tar akoz se peak period. Lerla la caisse bizin travay enpe plis pou fini balance tou compte. Ena fwa kot nou fini 22hrs30 parski bizin fini prepar tou versements pou la bank le lendemain. 

Kan tou sa fini ? 

fKan noun fini balance tou, prepar nou versement la zourne travay  fini la mem.  Lerla le lendemain nou reprend nou cycle : camion alle – livre prodwi kot klian - zot retourn Valentina – nou kont kass. Li ale mem koumsa! 😊 

Merci à Rizwaan de nous avoir accordé cet entretien pour l'ultime épisode de notre série!

Parcours S2 se termine ici. De la conception aux rayons des magasins, vous avez suivi, durant 12 épisodes, le Parcours d’un produit à Panagora ! 

Retrouvez l'intégralité de la Saison 2 en suivant ce lien. 

Bonne lecture et merci à toutes les équipes pour le travail que vous accomplissez tous les jours !  

#panagora #ansam 

Un feedback ou un commentaire ? N’hésitez pas! Voici notre adresse email : panagora@eclosia.com